من طرف أصيح صياح ماحي ٍ فطن لّي
سعير النار من فينا يطيقه
أصيح صياح من شي ٍ حصلّي
وشبتْ عقبه ضلوعي حريقه
حبيبي حب له غيري محلّي
حقيقه حب له غيري حقيقه
ألا ياليت ماعلمه وصلّي
ولا هيج بي جروح ٍ عتيقه
قديم الجرح وأحزاني وكلّي
علاقه حيل تجمعنا وثيقه
أجامل وابتسم واضحك وانا اللّي
عيوني في بحر دمعي غريقه
أنا اللي لا ذكرت ايام خلّي
تزيد بحالتي همم ٍ وضيقه
تجيني صورته لاقمت اصلّي
وطيفه ما يفارقني دقيقه
أشوف الناس كل ٍ له مسلّي
وانا لا لي صديق ولا صديقه
وش آخذ من بحر حزني واخلّي
وغير الآاااه ما عندي رفيقه
تناست في ظلال الغيم ظلّي
وظل الغيم مايروي لحيقه
شحيح الغيم ماظنه يهلّ
يبل لزاهي الوجنات ريقه
وانا لا جيت ابنساها واعلّي
جوابي جاوبت ونّه عميقه
أقوم ان شفتها واقف واهلّي
تقل ماغيرها حولي خليقه
ألا يا ليت موتي زاير ٍ لّي
قبل لا شوفها لغيري عشيقه
